mercredi 5 mars 2014
lundi 21 janvier 2013
N7ibek elli i7ebbouni w je men fou 3alli yakrhouni
https://www.facebook.com/pages/N7ibek-elli-i7ebbouni-w-je-men-fou-3alli-yakrhouni/190578864341268
بلاش عنوان
عالمك و عالمي متناقضين
علاش الأيّام لمّتنا؟
و كيفاش الساعات جمعتنا؟
الحكاية غريبة و القصة عجيبة
خلخلتني و بعثت فيّا الحيرة
زعمة الأقدار لمّتنا؟
ولاّ الأحزان جمعتنا؟
الحكاية بدات عندها شهور
أمّا كايّني نعرفك عندي دهور
كي نترمى عندك ننسى روحي
نرتاح و تبرد جروحي
كي شفتك تمسّ شفتي
نذوب و يقشعر بدني
كي لحمك يمسّ لحمي
تتغمّض عينيّا و ننسى اسمي
نتمنّى الوقت ياقف و نتساءل
علاش لاهين بينا؟
علاش يبربشوا علينا؟
علاش على الضحكة حاسدينا؟
و علاش في راس الزنقة مستنينا؟
نحب نبكي
نحب نعيّط
نحب نهرب
نحب نبعد
نحب بين يديك نترمى
نبوسك و تبوسني
نعنّقك و تعنّقني
نلحسك و تلحسني
ناكلك و تاكلني
نغرق فيك و تغرق فيّا
نسكر بريحتك و تسكر بريحتي
نحب في حضنك نزيد نقعد
و ننسى اللي هوما دايرين بينا
نحبّ ننسى وين كنّا و منين جينا
نحب نحبّك و تحبّني بلاش حدود
نحبّ بحبّك نتحرّر و نكسّر القيود
Inscription à :
Articles (Atom)